डॉक्टरांच्या सुरक्षिततेच्या मागणीसाठी राष्ट्रवादी काँग्रेस डॉक्टर्स सेलचे प्रतिनिधी सरसावले

21 May 2018 , 11:21:33 PM

नुकत्याच जे.जे. रूग्णालयात घडलेल्या घटनेत निवासी डॉक्टरांवर रुग्णांच्या नातेवाइकांकडून हल्ला करण्यात आला. या घटनेनंतर राष्ट्रवादी डॉक्टर सेलचे अध्यक्ष डॉ. नरेंद्र काळे यांच्या सूचनेनुसार राष्ट्रवादी काँग्रेस पार्टीच्या डॉक्टर सेलचे प्रतिनिधी आज जखमी डॉ. अतिश व डॉ. शाल्मली यांना भेटले व त्यांच्या प्रकृतीची विचारपूस केली. त्यानंतर सर्व पदाधिकाऱ्यांनी जे.जे. महाविद्यालयाचे अधिष्ठाता डॉ. ननंदकर यांच्यासोबत चर्चा करून इमर्जन्सी अलार्म सिस्टीम तसेच प्रत्येक मजल्यावर एक सुरक्षा रक्षक नेमण्याचा प्रस्ताव त्यांच्याकडे दिला. तसेच मार्डचे अध्यक्ष डॉ. संग्राम यांना भेटून डॉक्टरांच्या सुरक्षिततेसाठी आमचा पूर्ण पाठिंबा आहे, असे जाहीर केले व डॉ. ननंदकर यांच्याकडे निवेदन सुपूर्त केले.

यावेळी डॉक्टर सेलच्या शिष्टमंडळात डॉ. शिवदास भोसले (प्रदेश उपाध्यक्ष), डॉ. किरण देशमुख (प्रदेश सचिव) डॉ. रिना मोकल (अध्यक्ष उत्तर मुंबई) व डॉ. निरज शहा आदींचा समावेश होता.

संबंधित लेख